Xəbərlər
Azərbaycan Həmkarlar İttifaqları Konfederasiyasının sədri,millət vəkili Səttar Mehbalıyev 5 İyun “Su Təsərrüfatı və Meliorasiya İşçiləri Günü” peşə bayramı münasibəti ilə sahənin işçilərini təbrik etmişdir.
05.06.2014
Azərbaycan Meliorasiya və Su Təsərrüfatı ASC-nin sədri
cənab Əhməd Əhmədzadəyə
Hörmətli Əhməd müəllim!
Azərbaycan Həmkarlar İttifaqları Konfederasiyası adından Sizi və şəxsinizdə sahənin bütün işçilərini 5 İyun “Su Təsərrüfatı və Meliorasiya İşçiləri Günü” peşə bayramı münasibəti ilə ürəkdən təbrik edir və işlərinizdə uğurlar arzu edirəm.
Ölkəmizdə meliorasiya və su təsərrüfatının inkişafına əsası ümummilli lider Heydər Əliyev tərəfindən qoyulmuş diqqət və qayğı möhtərəm Prezident İlham Əliyev tərəfindən uğurla davam etdirilir.
Regionların sosial-iqtisadi inkişafına dair Dövlət Proqramları çərçivəsində qeyri-neft sektorunun, o cümlədən kənd təsərrüfatının inkişafına, əhalinin ərzaq məhsulları ilə etibarlı təminatına yönəldilmiş dövlət əhəmiyyətli layihələrin həyata keçirilməsinə əsaslı kapital qoyuluşu ildən-ilə artır və meliorasiya və su təsərrüfatı sahəsinin qarşısına yeni-yeni daha böyük və irimiqyaslı vəzifələr qoyulur.
Sevindirici haldır ki, su təsərrüfatı və meliorasiya işçiləri dövlətin bu sahədə qarşıya qoyduğu bütün vəzifələrin öhdəsindən həmişə olduğu kimi, bu il də layiqincə gəlmişlər.
Əminəm ki, meliorasiya və su təsərrüfatı sahəsinin çoxminli kollektivi bundan sonra da daha səylə çalışacaq, bütün bacarıq və imkanlarını səfərbər edərək Azərbaycan iqtisadiyyatının inkişafına yeni layiqli töhfələr verəcəkdir.
Sizi və sahənin bütün işçilərini Su Təsərrüfatı və Meliorasiya İşçiləri Günü - peşə bayramı münasibəti ilə bir daha səmimi qəlbdən təbrik edirəm, hər birinizə cansağlığı, ailə səadəti, qarşıya qoyulmuş çətin və şərəfli vəzifələrin yerinə yetirilməsində yeni-yeni uğurlar arzulayıram.
Hörmətlə,
AHİK-in sədri, millət vəkili S.Mehbalıyev
Çap et