“Kənd-Qida-İş” Hİ Federasiyası Azərbaycan Əmək və Sosial Münasibətlər Akademiyası ilə birgə “Həmkarlar ittifaqı cəmiyyətin sosial institutu kimi” mövzusunda seminar keçirilmişdir
22.10.2021
Cari ilin oktyabr ayının 22 –də onlayn formatda zoom vasitəsi ilə “Kənd-Qida-İş” Hİ Federasiyası Azərbaycan Əmək və Sosial Münasibətlər Akademiyası ilə birgə “Həmkarlar ittifaqı cəmiyyətin sosial institutu kimi” mövzusunda sahənin həmkarlar ittifaqı komitəsinin sədrləri və fəalları üçün seminar keçirilmişdir.
Seminarı Federasiyanın sədri Tofiq Quliyev açaraq, seminar iştirakçılarını salamladı və onlara seminarın işində uğurlar arzuladı.Giriş sözü ilə çıxış edən T.Quliyev sosial siyasət mövzusunda ölkənin rolundan söz açmış. Davamlı İnkişaf Proqramı və Federasiya tərəfindən pandemiya və Vətən Müharibəsi ilə əlaqədar olunan yadımlardan danışmışdır.
Sonra AR Əmək və Əhalinin Sosial Müdafiəsi Nazirliyinin Aparatının “Əmək siyasəti” şöbəsinin “Əməyin ödənilməsi və əmək münasibətləri” sektorunun baş məsləhətçısı Fəridə Hacıyeva AR Əmək Məcəlləsində son dəyişikliklər,yeniliklər və əlavələr barədə seminar iştirakçılarının nəzərinə çatdırmışdır.
Fərdi və əmək mübahisələrin xüsusiyətləri, əmək mühahisələrin anlayışları və təmzimləməsi bazası mövzusu məruzəsi dinlənildi.Çıxışın sonunda Əmək haqqının quruluşu və funksiyaları,ədalətli əmək haqqı sisteminin qurulmasında həmkarlar ittifaqlarının rolunun mühüm olduğunu bildirmişdir.
Daha sonra İcbari Tibbi Sığorta üzrə Dövlət Agentliyinin Hüquqi tənzimləmə və müqavilələrin ekspertiziyası şöbəsinin baş məsləhətçisi Fidan Rüstəmova “İcbarı Tibbi sığorta haqqında qanunu və Agentliyin fəaliyyəti barəsində çıxış etmişdir. Qanunun əhalinin tibbi sığortasının təşkilati, hüquqi və iqtisadi əsaslarını müəyyən edilməsindən və tibbi sığortanın subyektləri arasındakı münasibətləri tənzimləməsindən məlumat vermişdir
Sonda Dayanıqlı və Operativ Sosial Təminat (DOST) Agentliyinin xidmətləri departamentinin Xidmətlərin təşkili şöbəsinin məsləhətçisi Əşrəf Qurbanov “Məşğulluq və əmək sosial müdafiə siyasəti” mövzusunda çıxış etmişdir.
Yekunda seminar öz işini müzakirələrlə davam etdirmişdir mövzu ətrafında fikir mübadiləsi və iştirakçıların sualları cavablandırılmışdır.