Xəbərlər
Həmkarlar İttifaqlarının Beynəlxalq Birliyinin Məsləhətləşmə Şurasının ( МОАП) növbəti iclası keçirildi.
15.08.2016
Kənd-Qida-İş” Hİ Federasiyasının Sosial-iqtisadi müdafiə və mədəni-kütləvi işlər üzrə şöbəsinin müdiri Vaqif Əliyev avqustun 09-dan 13-ə kimi Qazaxıstanın Astana şəhərində Həmkarlar İttifaqlarının Beynəlxalq Birliyinin Məsləhətləşmə Şurasının ( МОАП) növbəti iclasda iştirak etmişdir.
Tədbirdə çıxış edən V.Əliyev Azərbaycan həmkarlar ittifaqları adından iştirakçıları salamladı və iclasda müzakirə olunan iqtisadi islahatların aparılması, sahibkarlığın inkişafı, işçilərin əmək hüquqlarının və sosial təminatlarının qorunması əsas məsələlərdən biri olduğunu vurğuladı.
İşgüzar şəraitdə keçən iclasda regionlarda əmək qanunvericiliyi və həmkarlar haqqında qanunlar , onların həlli yolları və qarşıda duran məsələlər müzakirə olundu. Tədbir iştirakçıları tərəfindən Həmkarlar İttifaqlarının Beynəlxalq Birliyinin Məsləhətləşmə Şurasının ( МОАП) növbəti iclasın keçirilməsi və Beynəlxalq Birliyinin Məsləhətləşmə Şurasının ( МОАП ) fəaliyyəti və digər gündəlikdə olan məsələlər müzakirə olundu.
İclasda Rusiya Federasiyasının Aqrar Sənaye Kompleksi İşçilərinin Həmkarlar İttifaqı, Qırğızıstan Respublikasının Aqrar Sənaye Kompleksi və Kənd Təsərrüfatı Bələdiyyə İşçiləri Həmkarlar İttifaqı, Belarus Aqrar Sənaye Kompleksi İşçilərinin Həmkarlar İttifaqı, Tacikistan Aqrar Sənaye Kompleksi İşçilərinin Həmkarlar İttifaqı təmsil olunurdu.
Daha sonra, tədbir iştirakçıları istehsalatla bağlı təcrübə mübadiləsi məqsədilə A.İ. Barayev adına Elmi İstehsalat Taxıl Təsərrüfatı və AC “RMDH “ Asıl tylik” ( damazlıq heyvandarlıq yetişdirilməsi) mərkəzlərə ekskursiya etdilər və şəhərin görməli yerləri ilə tanış oldular.